തിരുവനന്തപുരം • കേരളം രൂക്ഷമായ കാലവര്ഷക്കെടുതി നേരിടുന്പോള് ഇടതുപക്ഷം നടത്താനുദ്ദേശിക്കുന്ന അനിശ്ചിതകാല സെക്രട്ടേറിയറ്റ് പിടിചെ്ചടുക്കല് സമരം ജനകീയപ്രശ്നങ്ങളെയും ജനകീയ ആവശ്യങ്ങളെയും തൃണവത്കരിക്കുന്നതിനു തുല്യമാണെന്നു മുഖ്യമന്ത്രി ഉമ്മന്ചാണ്ടി. സര്ക്കാരിന് ഒരു നഷ്ടവും വരുത്താത്ത സോളാര് കേസിന്റെ പേരില് നടത്തുന്ന സമരത്തില് നിന്ന് ഇടതുപക്ഷം പിന്മാറണമെന്നും മുഖ്യമന്ത്രി അഭ്യര്ഥിച്ചു.
സോളാര് കേസുകളിലെ അന്വേഷണം പൂര്ത്തിയാക്കി പ്രത്യേക അന്വേഷണസംഘം ഉടനെ കുറ്റപത്രം സമര്പ്പിക്കും. പിന്നീട് ഇതു സംബന്ധിച്ച് ഏന്തെങ്കിലും ആക്ഷേപം ഉണ്ടെങ്കില് അത് കേള്ക്കുവാനും ഏതു വിധത്തിലുള്ള നിര്ദേശത്തോടും തുറന്ന മനസോടെ സമീപിക്കുവാനും തയാറാണെന്നു നിയമസഭയിലും സഭയുടെ പുറത്തും വ്യക്തമാക്കിയിട്ടുള്ളതാണ്. ഇതിനൊന്നും തയാറാകാതെ ജനങ്ങളെ ബുദ്ധിമുട്ടിക്കുന്ന സമരവുമായി മുന്നോട്ടുപോകുന്നത് ശരിയാണോയെന്ന് ഇടതുപക്ഷം ചിന്തിക്കണമെന്നും മുഖ്യമന്ത്രി പത്രക്കുറിപ്പില് ചോദിച്ചു.
ഇതോടൊപ്പം താഴെപ്പറയുന്ന 13 ചോദ്യങ്ങള്ക്ക് ഇടതുപക്ഷം ജനങ്ങളുടെ മുന്പാകെ മറുപടി പറയേണ്ടി വരുമെന്നും മുഖ്യമന്ത്രി ചൂണ്ടിക്കാട്ടി.
1. പിടിചെ്ചടുക്കല് സമരത്തിലൂടെ മൂന്നേകാല് കോടി ജനങ്ങളുടെ ജീവിതപ്രശ്നം കൈകാര്യം ചെയ്യുന്ന ഭരണസിരാകേന്ദ്രമായ സെക്രട്ടേറിയറ്റിനെ ബന്ദിയാക്കി സര്ക്കാരിനെ അട്ടിമറിക്കുകയലേ്ല പ്രതിപക്ഷത്തിന്റെ ലക്ഷ്യം?
2. സെക്രട്ടറിയേറ്റ് യുഡിഎഫിന്റെയോ, എല്ഡിഎഫിന്റെയോ അല്ല. അതു ജനങ്ങളുടേതാണ്. മുഖ്യമന്ത്രി ഉള്പ്പെടെയുള്ള മന്ത്രിമാരും 32 വകുപ്പുകളുടെ സെക്രട്ടറിമാരും അയ്യായിരം ജീവനക്കാരും പ്രവര്ത്തിക്കുന്ന സെക്രട്ടേറിയറ്റ് നിശ്ചലമാകുന്പോള്, കാലവര്ഷ ദുരിതാശ്വാസ പ്രവര്ത്തനങ്ങള്, വിലക്കയറ്റം ഉള്പ്പെടെ ഓണത്തിനു സ്വീകരിക്കേണ്ട നടപടികള്, ക്ഷേമവികസന പ്രവര്ത്തനങ്ങള് തുടങ്ങിയവയെല്ലാം സ്തംഭിപ്പിക്കാനലേ്ല പ്രതിപക്ഷം ശ്രമിക്കുന്നത്?
3. കേരളം ഏറ്റവും രൂക്ഷമായ കാലവര്ഷക്കെടുതി നേരിടുന്പോള്, സര്വകക്ഷിസംഘം ഡല്ഹിക്കു പോകാമെന്ന പ്രതിപക്ഷ നേതാവിന്റെ നിര്ദേശം പോലും അട്ടിമറിച്ച് സെക്രട്ടേറിയറ്റ് പിടിച്ചടക്കല് സമരത്തിന് കൊണ്ടുപിടിച്ച തയാറെടുപ്പ് നടത്തിയത് ജനകീയപ്രശ്നങ്ങളെയും ജനകീയ ആവശ്യങ്ങളെയും തൃണവത്കരിക്കുന്ന സമീപനമലേ്ല?
4. കേരളത്തിന്റെ സമരചരിത്രത്തില് ഇതാദ്യമായി സെക്രട്ടേറിയറ്റിന്റെ എല്ലാ ഗേറ്റുകളും അനശ്ചിതകാലത്തേക്ക് നിര്ബന്ധിതമായി അടപ്പിച്ച് ഒരാളെപ്പോലും കയറ്റിലെ്ലന്ന് പ്രതിപക്ഷം പ്രഖ്യാപിച്ചത് ജനങ്ങളോടും ജനാധിപത്യവ്യവസ്ഥിതിയോടുമുള്ള വെല്ലുവിളിയലേ്ല?
5. ഇടതുപക്ഷം നടത്തിയ കുടുംബശ്രീ സമരം, രാപ്പകല് സമരം, ഭൂസമരം, പങ്കാളിത്ത പെന്ഷന് സമരം തുടങ്ങിയവയെല്ലാം പരാജയപ്പെട്ട പശ്ചാത്തലത്തിലലേ്ല, സര്ക്കാരിനെ ലക്ഷം പേരെ വച്ച് വളഞ്ഞു വീഴ്ത്താന് ശ്രമിക്കുന്നത്. തിരഞ്ഞെടുപ്പിലും ഭൂരിപക്ഷവും ഭരണഘടനയുമെല്ലാം അതോടെ അപ്രസക്തമാകിലേ്ല?
6. ഏകാധിപതികളെയും പട്ടാളമേധാവികളെയും നിഷ്കാസനം ചെയ്യാന് ലോകത്തിന്റെ പല ഭാഗങ്ങളിലും നടക്കുന്ന സമരമുറയലേ്ല ജനാധിപത്യ സര്ക്കാരിനെ അട്ടിമറിക്കാന്, ഇടതുപക്ഷം ഇപ്പോള് സ്വീകരിച്ചിരിക്കുന്നത്? തങ്ങളുടെ ആവശ്യം നേടിയെടുക്കാന് തീവ്രവാദികളും വിഘടനവാദികളും സ്വീകരിക്കുന്ന അനിശ്ചിതകാലസ്തംഭന സമരമുറകള് ജനാധിപത്യ വ്യവസ്ഥിതിയുമായി പൊരുത്തപ്പെട്ടു പ്രവര്ത്തിക്കുന്ന ഇടതുപക്ഷത്തിന് എങ്ങനെ സ്വീകരിക്കാനാകും?
7. സോളാര് വിഷയത്തില് മുഖ്യമന്ത്രിയെ ബന്ധിപ്പിക്കാന് പ്രതിപക്ഷം കെട്ടഴിച്ചുവിട്ട ആരോപണങ്ങളില് ഒരെണ്ണമെങ്കിലും തെളിയിക്കാന് സാധിചേ്ചാ? ഒരു രൂപപോലും സര്ക്കാരിന് നഷ്ടപ്പെടാത്ത സോളാര് കേസിനെതിരേ നടത്തുന്ന പ്രക്ഷോഭത്തിനു നേതൃത്വം നല്കുവാന് ലാവ്ലിന് കേസില് 374 കോടി രൂപ സംസ്ഥാന ഖജനാവിനു നഷ്ടം വരുത്തിയെന്നു സിബിഎെ കണ്ടെത്തിയ കേസിലെ പ്രതിയാണ് എന്നത് എന്തൊരു വിരോധാഭാസം?
8. 2008ല് ആരംഭിച്ച സോളാര് തട്ടിപ്പുകേസില് ഇടതുഭരണത്തില് 14 കേസ് രജിസ്റ്റര് ചെയ്തെങ്കിലും മൂന്നു വര്ഷത്തിനുള്ളില് അതിന്മേല് യാതൊരു നടപടിയും സ്വീകരിച്ചില്ല. എന്നാല്, യുഡിഎഫ് സര്ക്കാര് സംഭവം ഉണ്ടായ ഉടനെ പ്രത്യേക അന്വേഷണ സംഘത്തെ നിയോഗിക്കുകയും വെറും രണ്ടു മാസത്തിനുള്ളില് അന്വേഷണം അന്തിമഘട്ടത്തിലേക്കു കടക്കുകയും ചെയ്തത് തട്ടിപ്പുകാരോട് രണ്ടു സര്ക്കാരുകള് സ്വീകരിക്കുന്ന സമീപനത്തിന്റെ മാറ്റുരയ്ക്കുന്നതലേ്ല?
9. ഓഗസ്റ്റ് 15ന് ഇന്ത്യന് സ്വാതന്ത്ര്യ സമരത്തിന്റെ സംസ്ഥാനതല പരിപാടികള് നടക്കേണ്ടത് സെക്രട്ടേറിയറ്റിനോടു ചേര്ന്നുള്ള പൊലീസ് ഗ്രൗണ്ടിലാണ്. ആയിരക്കണക്കിനു പൊതുജനങ്ങളും വിദ്യാര്ഥികളും ഉദ്യോഗസ്ഥരും മുഖ്യമന്ത്രിയും പങ്കെടുക്കുന്ന സര്ക്കാരിന്റെ ഏറ്റവും വര്ണശബളമായ പരിപാടി. സെക്രട്ടേറിയറ്റും പരിസരവും പിടിചെ്ചടുക്കല് സമരം മൂലം സ്വാതന്ത്ര്യദിനാഘോഷ ചടങ്ങിന്റെ ശോഭ കെട്ടാല് നമ്മുടെ നാടിന് എന്തൊരു നാണക്കേടായിരിക്കും അത്?
10. ആസന്നമായ പാര്ലമെന്റ് തിരഞ്ഞെടുപ്പില് പശ്ചിമ ബംഗാളില് ഇടതുപക്ഷം തകര്ന്നടിയുമെന്നു വ്യക്തമായ സൂചന ലഭിച്ചതിന്റെ പശ്ചാത്തലത്തില് മാത്രമലേ്ല പ്രാകൃതമായ ഈ സമരം സിപിഎം കേന്ദ്രനേതൃത്വത്തിന്റെ സാന്നിധ്യത്തില് അരങ്ങേറുന്നത്?
11. പത്തുകോടി രൂപ തട്ടിച്ച സോളാര് സംഭവത്തിനെതിരേ ഇടതുപക്ഷം നടത്തുന്ന സെക്രട്ടേറിയറ്റ് പിടിച്ചടക്കല് സമരത്തിന് ഒരുലക്ഷം പേരെ തിരുവനന്തപുരത്ത് അനിശ്ചിതകാലത്തേക്ക് രാപ്പകല് സമരം നടത്താന് വിളിച്ചിരിക്കുകയാണ്. ഇതിന് ഒരു ദിവസം എത്ര കോടി രൂപ ചെലവുവേണ്ടിവരുമെന്നു സിപിഎം വെളിപ്പെടുത്തുമോ? ഇതും ജനങ്ങളുടെ പണംതന്നെയലേ്ല?
12. ഇതുവരെ നടത്തിയ അന്വേഷണത്തെക്കുറിച്ച് ആരും ആക്ഷേപം ഉന്നയിക്കാതിരിക്കുകയും മുഖ്യമന്ത്രിക്ക് ഇതില് പങ്കിലെ്ലന്നു വ്യക്തമാകുകയും ചെയ്ത സാഹചര്യത്തില് എന്തിനുവേണ്ടിയാണ് ഈ സമരം?
13. ഒരാളെപ്പോലും സെക്രട്ടേറിയറ്റില് കയറ്റിലെ്ലന്നും മുഖ്യമന്ത്രി രാജിവയ്ക്കാതെ സെക്രട്ടേറിയറ്റ് പ്രവര്ത്തിപ്പിക്കുകയിലെ്ലന്നും എല്ഡിഎഫ് കണ്വീനര് പ്രസ്താവിച്ച സാഹചര്യത്തില് നിയമവാഴ്ച ഉറപ്പുവരുത്താനും ഭരണസ്തംഭനം ഒഴിവാക്കാനും പ്രവര്ത്തിക്കേണ്ട ബാധ്യത സര്ക്കാരിനിലേ്ല? ജനാധിപത്യവ്യവസ്ഥയില് അനുവദനീയമായ പ്രതിഷേധത്തിലും സമരത്തിലും ഇടപെട്ടാല് അതു വീഴ്ചയായി ജനം കാണും. അനുവദനീയമായതിന് അപ്പുറത്തേക്ക് പോയി ജനജീവിതത്തെ ദുസഹമാക്കിയിട്ടു ഇടപെട്ടിലെ്ലങ്കില് അത് വലിയ വീഴ്ചയായി ജനം കാണിലേ്ല?
കടപ്പാട് ; യാഹൂ ന്യൂസ്
.jpg)
